2011年8月30日 星期二

【♥ 令我變得閃閃亮亮, 仲好滑添呀 ♥】 FNB x MATRIX

Ah Bee 一直都係fnb 既小fans,
但佢哋所攪既活動實在太多人參加,
所以
Ah Bee 咁耐以來都未抽中出席活動,
今次終於有機會喇~

Ah Bee 真係好開心呀,
第一次出席
F&B Club x MATRIX Biolage Smooththérapie
深層滋養柔順再生服務
8月份既會員專享活動


地點係銅鑼灣禮頓道禮頓中心


今次活動Ah Bee 可以親身體驗


Biolage Smooththérapie 深層滋養柔順療程,

由於活動係放工時間舉行, 大會為咗唔想餓親大家,

預先備夠咗好多靚靚cup cake & drinks 俾大家享用




俾少少品牌資料大家吖, MATRIX係1980年成立,

係美國第一專業美髮品牌, 提供一系列高品質既產品,

包括有電
染產品、造型及秀髮修護等等

而所有MATRIX既產品都係經過Loreal 既實驗室,
以高科技研製及調配, 所以品質一定有保證,
效果亦較出色, 全球已經有超過280,000間salon,
使用緊
MATRIX既產品


而今次體驗既Biolage Smooththérapie 深層滋養柔順療程,

產品內特別添加咗珍貴既 "山茶花精華油",

再配合"精華油導入科技", 可以為秀髮進行密集式既呵護

Smooththérapie 既賣點係令秀髮得到深層滋潤,

就算係97%既濕度下, 秀髮仍然可以保持貼服,

有效控制係潮濕既天氣下, 令毛燥凌亂既髮絲變得順滑



Smooththérapie既產品, 包括深層滋養柔順洗髮乳,

護髮乳和免沖水修護乳, 都不含
"羥基苯甲酸酯" 防腐劑
及人造色素, 染髮人士亦適合使用


好喇, 活動開始喇, 職員首先為Ah Bee 洗頭,

佢哋個個都好nice, 好友善,

成個過程都好開心, 令到我不停咁笑



由於Ah Bee髮尾比較乾.


職員就幫Ah Bee係髮尾喥搽上vital repair moisturizing treatment,

修護髮尾受損既秀髮, 隔咗一陣,

再搽上強效深層滋養柔滑髮膜



呢款就係強效深層滋養柔滑髮膜,


將髮膜搽係耳仔對落頭髮既位置,

千祈唔好直接搽落頭皮喥呀, 

大約等15mins就可以沖洗~


之後, 就由髮型師為Ah Bee吹乾頭髮,


Kelvin 好好人, 又快手,

只係用卷梳, 唔使10mins, 就造出卷曲既造型~



攪掂喇, Ah Bee既野草頭髮, 變得好順滑, 好有光澤~


同埋Ah Bee真係覺得頭髮無咁塌 & 扁平~


完成活動後, 大會仲送咗同系列既daily leave-in tonicAh Bee,


係用嚟幫頭髮補濕, 用既時候, 直接噴係頭髮上面又可以, 好清爽,
一d都唔笠, 可以隨時為秀髮滋潤保濕~



大家如果對MATRIX既產品有興趣,


可以致電 3180-1657 

歡迎留言 or email to sweet_orange_hk@yahoo.com.hk


2011年8月28日 星期日

【♥ 秋季滋潤礦物粉底 ♥】 搽出自然透薄妝容

不經不覺秋天慢慢到來,
皮膚又開始要飽受轉季之苦,
Ah Bee 皮膚向來都比較麻煩,
所以, 就早一步為化妝品轉轉季
試試
The BodyShop 秋季推出既絲滑礦物底

出席咗由 LQ x The
BodyShop 舉辦既
「The BodyShop絲滑礦物底妝聚會」
而活動地點係香港藝術中心既Assaggio 舉行

場內已經可以見到今季The Body Shop全新絲滑礦物粉底系列
Ah Bee 一向好少接觸礦物粉底, 不過大會好細心,
一早已經按排咗職員為我哋揀選適合自己既粉底及顏色
,


Ah Bee 又發揮咗好學既精神,
問問化妝師有關使用creamy既compact foundation 問題,
因為
Ah Bee之前都有用開另一個牌子既creamy foundation,
但粉底未搽上面就已經差唔多俾粉卜
吸收晒d 粉底,
成盒粉浪費晒. 好彩化妝師教
Ah Bee, 先用手指係面上推開再印壓,
再用粉卜or 掃, 咁成個妝就會靚晒, 又唔怕俾粉卜食粉!!

揀好咗粉底既顏色, 就可以入內坐低喇,
仲有好多精緻既小食添呀

Ah Bee 拎到成碟都係食物, 正想走既時候,
眼尾又發現至愛既煙肉呼喚
Ah Bee, 結果又吉埋佢返番位



活動正式開始, 由名模楊崢為大家介紹
The BodyShop 絲滑礦物底妝既功效
原來
楊崢用咗The BodyShop既產品已經好多年喇

之後大會仲請嚟劉心悠同
著名星級化妝師Annie G
為大家分享化妝心得
, Ah Bee係之前既活動已經見過Annie G,
覺得佢化妝好出色, 而且好幽默


心悠真人真係好靚, 雙眼好似識講嘢咁,
樣子楚楚可憐, 講嘢又溫柔, 好可愛呀

今次真係好開心, 可以近距離咁見到Annie G親手示範The BodyShop 既礦物底妝,

仲實在太好喇~~

Annie G仲教大家, 搽遮瑕膏想搽得自然,
就要利用指腹既熱力, 輕輕印壓係黑眼圈既位置,
遮瑕膏透過熱力慢慢溶化, 成個妝容望落去就變得自然架喇 ^^

另外, 就係用手指搽上foundation, 再用掃壓開,

再內而外咁掃開, 而髮線位置掃開就可以,

Model 上咗粉後, 成個look都sharp咗好多
, 膚色平均得嚟仲好自然


示範完喇, 大家嚟一個大合照喇 ^^

最後, 大會送上Extra Virgin Minerals Cream Compact Foundation SPF 15 & 

Liquid Foundation SPF30俾Ah Bee 試用, 好鍾意大會既安排,

大家只需拎住號碼片, 到大堂揀番屬於自己既試用, 就可以離開, 避免咗混亂既情況發生, 讚!!!

由於Ah Bee 著咗大會要求既dress code 服式,
所以就確外獲得Body Lotion ^^



Extra Virgin Minerals Cream Compact Foundation SPF 15  & 

Extra Virgin Minerals Liquid Foundation SPF30



Extra
Virgin Minerals Liquid Foundation SPF30 (HK$199)


純橄欖礦物粉底液SPF30 

質感輕盈, 由超微細粒子礦物粉末,
以及公平社群貿易的純正有機橄欖油
與漆樹果仁油的獨特配方精製而成,
輕薄、舒適的質感為肌膚帶來整日的補濕滋潤,
只需用手指輕按泵裝瓶口, 再用濕粉掃或海綿塗抹開即可

由於秋季就嚟到, Ah Bee 想要一隻色澤比較深少少既,
比較自然, 最好俾自己膚色深少少既,
化容師就為Ah Bee 揀選咗#202 Natural Vanilla

粉底液觸感俾人滑不留手既感覺, 好容易推開,
使用後覺得質地唔厚, 而且仲有一層光澤係表面
遮瑕度亦都唔錯, 一直都覺得只有搽厚厚既粉底,
先可以有效遮瑕, 但呢款
粉底液確實喜出望外,
薄薄搽一層, 再on top搽上蜜粉定妝, 妝容就變得自然亮滑
絲滑妝容呈現, 輕薄既質地, 補濕滋潤可以長達14小時,

大家可能覺得顏色偏黃, ,
但搽上後再拍上蜜粉,
感覺就會變得自然貼服,
而且仲會有番光澤, 望落去皮膚好靚靚 ^^


Extra Virgin Minerals Cream Compact Foundation SPF 15
純橄欖礦物乳霜粉餅 SPF 15

100%超微細礦物粉末,
配合意大利公平社群貿易的純正有機橄欖油,
如忌廉般的質地能與肌膚完美結合,
只需輕輕一掃, 即時幻化成輕盈啞緻的無瑕妝容
帶來中度至全面的遮瑕效果


以圓型計設既Compact foundation有2層,
內有大大塊既鏡, 方便上妝,
第1層係creamy既foundation,
而第2層就係粉底掃,
設計輕巧試試
The BodyShop秋季推出既絲滑礦物底

以內置粉底掃將粉底均勻地塗抹於面上,

貝殼型既粉底掃最大既特別係設合面型

無論係眼頭、眼角、鼻翼位置都可以照顧到

同樣係選用#202 Natural Vanilla,
Cream Compact Foundation 透薄貼服又有補濕滋潤作用
,
質地如絲般細滑, 用手指印開, 再用盒內隨有既粉底掃輕輕掃上,
非常易推, 而且粉底即刻可以與肌膚融合, 讚!!!
粉底仲好貼面透薄, 大大減少對皮膚既負擔, 全無戴面具感覺

使用咗一整天, 脫妝既情況都唔算嚴重,
妝容都可以維持到有半日, 只係t-zone 位有少少脫粉, 
而且creamy foundation 質地清爽唔焗面, 讚!!!


純橄欖礦物粉底液既遮瑕功能都唔錯,
Ah Bee 手背上既2個小疤痕,
搽上純橄欖礦物粉底液後, 疤痕都可以遮蓋到8

Ah Bee 好鍾意The Body Shop 呢2款粉底, 
因為2款粉底都加入防曬功能, 可以有效阻隔紫外線既傷害,
另外, 100%超微細礦物粉未及有機橄欖油,
可以有效遮瑕, 令肌膚變得細緻亮澤

The Body Shop既粉底設有6種色調, 
分咗米白及米杏二款, 而每款同有3種色調,
一定可以搵到適合自己既顏色

快D同就近既The Body Shop 選購喇,
想了解多D, 可以click <
The Body Shop> 瀏覽


歡迎留言 or email to sweet_orange_hk@yahoo.com.hk



2011年8月19日 星期五

【♥ 瘦面有法大公開 ♥】~ 包包族既子民快d入嚟喇~

~ 瘦面有法大公開 ~

細細既時候, baby fat在所難免,
但大個咗都仲係包包面, 咁就相當頭痛
包包面+水腫 = 嚇人,
唔通包包面真係想同
Ah Bee做一世既朋友


Ah Bee 早前就去咗國際知名品牌Oregon
Scientific 既times square 分店,

領取佢哋由日本引入既 Platinum Beauty Roller 鉑金美膚按摩棒
Oregon
Scientific
一直致力於發展一d改善生活創新概念
著重於研究、設計&開發方面既投資發展,
Oregon
Scientific
入面既產品,
唔單止可以為生活注入創新概念和體驗,
仲可以幫你擺脫煩瑣雜務, 仲時尚實用添




店入仲有其他得特別既產品,
包括有負離子健康頸鏈&手鏈


香薰噴霧器, 純天然有機香薰油,
空氣抗菌器等等...............


i. comfort 小巧按摩器好得意
雞旦+可愛小盆栽造型外型既設計, 小巧得嚟又唔阻地方,
仲有時間顯示, 實用得嚟又別緻,
可以放係公司, 攰既時候拎出嚟按下肩頸, 好方便呀!!

好喇, 主角出場喇,
佢就係傳說中既
Platinum Beauty Roller 鉑金美膚按摩棒棒喇~

由星級化妝師 Gary Chung 推薦既靚妝必備工具之即時瘦面棒,


每日只需10分鍾做活膚按摩, 就可以踢走包包面
職員好細心咁教我哋點用
按摩
Ah Bee仲做咗小model, 即場示範試用按摩
按摩棒除咗可以瘦面, 仲可以緊緻皮膚,
改善細紋, keep住長期使用, 連雙下巴都可以無埋


按摩方法~

Platinum Beauty Roller 有紅or白2色,
售價係HK$1,680, 但9月1日起會調整到HK$1,880


美膚二重奏 - 鉑金美膚按摩
盒內有個金色既袋仔, 唔使用電, 方便隨身携帶,
可以係每朝洗面後使用, 又可以返工小休時用都得,
就算化妝後都可以碌, 無時無刻都用得 ^^

按摩棒設有兩邊既按摩轉,
呢邊就係
鉑金緊緻按摩 (礦石)
以"韻律式琴鍵按摩"方式, 幫面部做運動

圈內既鉑金線&礦物石, 經摩擦轉動後,
就會對人體發出有益既負離子效能
可以
"活化 & 收緊" 肌膚

每日碌100下, 可以活化皮膚細胞,
加速新陳代謝 & 血液循環, 令淋巴腺流通
皮膚就可以回復彈性, 變得更加緊緻,
預防肌肉鬆弛, 踢走水腫 + 雙下巴


用之前可以水溶性美容及護膚產品同時使用,
簡單d講, 即係搽咗爽膚水
& 軟膚水後, 就可以使用

而另一邊就係撫平細滑按摩棒 (高份子陶瓷合金)
用完
礦石嗰面按摩棒碌面後,
皮膚已經被活化咗,
以後就可以用另一邊, 平滑低溫既
高份子陶瓷合金碌面,
不但舒緩表面既肌膚, 收緊面部肌肉,
仲可以撫平細紋, 減少皺紋形成
皮膚就自然變得平滑喇~

呢邊就搽咗serum後再碌~

就連眼部份置都可以碌架,
用嚟收緊眼袋, 令精華素更容易吸收

大家可能會擔心, 眼部既肌膚咁幼嫰,
用按摩棒得唔得架,
其實呢支按摩棒係彈性手柄設計,
可以控制壓力, 避免肌膚可分受壓,
咁就唔怕整傷皮膚喇.


碌呀.... 碌呀.....碌呀....

大家睇下示範既片段吖,
整個按摩, 時間唔好超過10分鐘呀!!






每朝Ah Bee都會係返工前碌一碌,
由下巴開始內而外咁碌向耳珠,
再由下巴向下碌落頸喥,

額頭就由而上咁碌向髮線位置,
成個過數
Ah Bee都無好特別咁數住按咗幾多下,
只係按摩時間唔超過
10分鍾

鉑金礦石嗰邊, 雖然似琴鍵咁,
有少少凹凸坑紋, 質地似橡膠,
碌上面時亦唔會有太大感覺,
亦唔覺得痛


其實每次用礦石按摩棒按摩後,
面部輪廓都即時出番晒嚟,
面珠位都明顯收緊
而陶瓷合金嗰邊,
d似少型導入器,
搽完
serum後再按摩, 冰冰涼涼既感覺,
好爽, 就好似將精華精徹底滲透放皮膚低層
如果趕時間,
make up碌都ok, 勁方便呀!!!

Gary Chung 話長時間使用
可以達至真正既瘦面效果
所以
Ah Bee依家日日碌, 要徹底將包包面趕走呀!!!



想了解多d, 可以click< Oregon Scientific >

分店資料, 請到 < shop list>









2011年8月17日 星期三

【♥ anna sui 送俾我既蛋糕 ♥】


早前收到 Anna Sui 所送既禮物,
係 Nail Color Set of 27 Vibrant shades
d 色好靚呀, 仲齊晒色, 好開心呀 !!!



♥ 
拎晒出嚟望下先, 好鍾意呢支黃色 & 橙紅色, 好sharp 呀 ^^





♥ 
PR 仲專登送咗一個Anna Sui 既蛋糕座俾我


好喇, 開始上架喇~~

♥  第一層~



♥ 
放埋第2層先~



♥  大功告成


♥  好靚呀, 個蛋糕座仲識轉下轉下, 咁以後玩甲就更加方便喇~

♥  多謝Anna Sui ^^