【♥ 親試熱買產品 ♥】 三合一強勢推介

卸妝潔面係護膚既第一步
選擇潔淨度高, 而又性質溫和既卸妝用品
對於所有女仔嚟講, 都係非常之重要
試想想如果卸妝唔夠乾淨
咁續後既護膚品又點可以有效吸收呢?!


Ah Bee知道好多sis
認為卸妝產品唔值得投資
因為卸妝產品停留係面上既時間最少
簡單d 講, 清水一沖就無晒
係某程度上, Ah Bee都有同感
所以,
Ah Bee都會不停咁尋找平價既卸妝用品
有時佢哋既效果真係可以媲美專櫃品牌既產品架

唔知大家近日係地鐵內,
有無留意到一個廣告
廣告內面有個濃妝艷抹既女仔
好輕鬆咁用卸妝水卸下半邊面既妝容
而廣告入面既主角
就係日本品牌Bifesta喇





今次試用既3款卸妝潔面用品
都可以同時卸掉面妝及眼妝
佢哋分別係:
- 高效眼部卸妝液
- 全效保濕卸妝液
- 速效卸妝潔膚水 ( 清爽型 )

俾個光脫脫既相大家望望先
樽身印有花卉圖案
配合埋淡淡既藍色, 水感十足



首先試試高效眼部卸妝液

高效眼部卸妝液 (HK$48/145ML)
產品加入溫和護睫配方
配合水溶性及油溶性雙重卸妝配方
可以徹底溶解waterproof既mascara

以水為基礎既眼部產品
徹底溶解化妝品於化妝棉上
重點卸除頑強眼妝, 無需搓揉即完美卸妝
避免眼部幼嫩的肌膚及睫毛因磨擦而受損
性質溫和，卸妝同時護膚

蘊含Vit B及E, 輕柔呵護睫毛

並含有透明質酸, 卸妝同時保濕
用後眼周水嫰健康

Make in Japan既 Bifesta
卸妝產品賣點係性質溫和
唔單止可以強效卸妝
仲通過皮膚過敏測試
敏感肌都啱用架~

Bifesta 既卸妝產品係不含:
-        
無香料

-        
無人造色素
-        
無防腐劑
-        
無酒精成分

Ah Bee 試用當日係搽咗防水既睫毛液
首先將高效眼部卸妝液濕透化妝綿
再輕按於眼上數秒, 卸妝液就瞬間將眼妝溶解晒

大家可以望到
第1塊化妝綿已經除去咗9成以上既睫毛液
第2塊就將餘下既睫毛液完全清除晒, 真係好犀利呀
第3塊可以話乾淨晒, 勁!!!

接住落嚟, 就到使用全效保濕卸妝液



全效保濕卸妝液 (HK$59/220ML)
水為基礎的卸妝液
比一般卸妝油清爽溫和
再配合睫毛液溶解成分 (油性)
一次過輕易溶解防水眼妝

全效保濕卸妝液
蘊含透明質酸
鎖水保濕, 用後肌膚水潤柔嫰
徹底卸妝同時呵護肌膚

樽咀細細個
咁就唔一次過倒出過多日既份量



全效保濕卸妝液可以濕手使用
首先倒出大約$5既份量
再輕輕按摩全面
等面上既妝容溶解後
就以清水洗乾淨
如果妝容太濃
最好就乾手乾面使用~

全效保濕卸妝液
質地係有少少GEL + 水狀

今次Ah Bee 就將唇咀, 防水眼線液, 眼影, 眼線搽係手背
再用全效保濕卸妝液卸除
睇下效果如果

其實當Ah Bee將全效保濕卸妝液卸除搽係手背
再輕輕打圈按摩, 唇咀, 眼影, 眼線都已經完全溶解晒
唯獨防水眼線液就仲係唔可以溶掉
Ah Bee再不停咁打圈, 防水眼線液先可以卸除到
所以, Ah Bee都係建議, 如果要卸除防水眼線液
就最好先用化妝綿輕按眼部再卸除

最後, 就到速效卸妝潔膚水 (清爽型)

Bifesta 既速效卸妝潔膚水仲有分

清爽型, 亮白型及緊緻型三款

照顧到唔同膚質及需要既女士

而Ah Bee 今次試既係清爽型 ^^

速效卸妝潔膚水 (清爽型) (HK$59/300ML)
卸妝護膚, 瞬間完成
不但可以收緊毛孔
最特別係無須過水
卸妝, 潔面無需分開, 可以節省更多時間

只須一個步驟, 卸妝從此變得簡單

速效卸妝潔膚水蘊含以下既細緻毛孔成分:

綠茶萃取物:
有效收緊毛孔, 潔面後皮膚柔滑細緻

吸著性透明質酸:
鎖水保濕, 肌膚水潤柔嫰

100% 不含油分, 由水產生深層潔淨效能
保濕潔淨因子, 可以迅速令毛孔內深層既化妝品浮於表面

另外, 產品蘊含化妝水成分
潔膚後滋潤肌膚, 用後唔會有繃緊不適

可以話集卸妝, 潔膚, 化妝水於一身既三合一產品

使用方法同一般使用既卸妝水一樣
都係將潔膚水濕透卸妝綿
再輕抺於面上, 就可以將彩妝輕易抺走

如果係頑固既眼妝
就要將卸妝綿輕按於眼部數秒再輕抺

因為速效卸妝潔膚水含有保濕成份
所以唔需要沖水, 以免保濕成分被沖走

泵裝設計既速效卸妝潔膚水
附有保險套, 每次大約使用3-5泵既份量
就可以極速卸除面上既彩妝

Ah Bee 今次就用粉底做測試
大家望望下面既結果喇~

Ah Bee試用時既妝容唔算厚
第一塊卸妝綿, 可以抺走7成既粉底
第二塊都就將餘下既抺走
第三塊都仲係有少少肉色既粉底, 但都可以話抺走晒咁滯
第四塊就可以抺走晒喇 ^^

Bifesta 既卸妝產品
可以話簡化咗平日卸妝潔面既工序
產品唔單止蘊含透明質酸, 鎖水保濕
仲可以淨化卸妝, 令收細毛孔
零油感, 唔怕油膩膩, 笠黏黏

最重要係產品係通過皮膚過敏測試
無香料, 防腐劑, 人造色素, 酒精等致敏成分
用得安心又放心, 價錢又平易近人
真係值得向所有人推介呀

歡迎留言or email to sweet_orange_hk@yahoo.com.hk

My Blog Links

TheZtyle: http://fantasyland.theztyle.com

BeautyLife: http://www.beautylife.hk/?2673

Fashion & Beauty: http://www.fnb.hk/blog/7221

She.com: http://blog.she.com/fantasyland   

LadyQooza: http://blog.qooza.hk/AngelAngelAngel

Elle: http://blogs.elle.com.hk/wahwah1224/

Yahoo: http://hk.myblog.yahoo.com/Fantasy-land

Sina Blog: http://wahwah1223.mysinablog.com