Bee: 【♥ 最近的小玩具 ♥】 I am loving it~~~~

自3月初換上了HTC Rhyme 既smartphone (click)
做咗差唔多都有一個月喇~
Ah Bee 真係覺得呢部smartphone超好用
不如就同分享一下吖~

Product Overview:

http://www.htc.com/hk-tc/smartphones/htc-rhyme/

首先, 又外觀開始講起~

Rhyme 以超薄設計
正面係金屬邊框機殼

而背面除咗中間位置
其他(上下部份) 都用上唔同顏色深淡既塑料物料
除咗起到雙色設計感覺, 最大好處係防滑作用

超薄設計, 非常輕身
厚度只得10.85 mm

而機身外殼有音量鍵

頂端設有 3.5mm 耳機介面
而手機左側有一個有防塵蓋
保護 micro USB 連接

手機正上方備有 VGA 視訊相機

螢幕下方設有觸控 Android 四大天王鍵
非常方便, 可以隨時跳回主頁
又或者跳到所有應用程式
作出設定及更改

配件方面

Product specs:

http://www.htc.com/hk-tc/smartphones/htc-rhyme/#specs

首先係Rhyme Charm 魔幻吊飾
有防脫落功能, 而且負重力強
只要直接拉起吊飾線
手機就可以成個抽出來~

另外, 當有來電又或者係訊息既時候
小方塊就會不停咁閃燈
提醒大家要check 一check電話

另外, 有3.5 mm 立體聲耳機
耳機線採用防纏繞（Tangle-free）既扁平線設計
防止纏結, 耳機線就唔會繞埋一齊喇
除咗可以控制音樂播放
仲可以用嚟接聽電話

藍牙喇叭底座背面有 micro USB 插槽
除咗可以充電, 底座仲可以係藍牙喇叭
因為底座內藏音箱，當手機放回底座時
手機就會自動同底座藍牙連線
音樂就會被轉送到喇叭

試試俾大家睇, 當手機放上底座
Dock Mode 就會將手機變成音樂播放器
時鐘, 月曆及天文台

另外, HTC Rhyme 內既程式集清單
仍然採用換頁方式
分別有所有應用程式
當用程式及我的下載篩選分頁

Rhyme預設待機桌面Sense 3.5
有快捷選單 widget
係一整頁既 4 x 4 大
widget介面
包括飛安, 行動網路, Wi-Fi及無線基地台
控制方便, 舉個例子, 想用Wi-Fi既時候
只需要直接禁落去, 而唔需要禁入設定
再選擇Wi-Fi使用

桌面右下方有時間顯示
而左邊則有 5 個快捷圖示
包含郵件、訊息、音樂、相機與
Market
處於動態模式, 不停update最新既訊息及郵件等等
只要禁一下, 快捷圖示就會被打開
顯示控制項or內容等等

HTC Rhyme 尺寸為 119 x 60.8 x 10.85 mm
色彩豔麗既3.7吋WVGA LCD螢幕
解析度 480 x 800

大家可以睇睇
Rhyme既色彩真係靚架
就算長時間online or 打機
眼仔都唔會覺得攰

HTC Rhyme 內置4GB記憶體, 可使用記憶體約 1GB

有500萬像素相機、 30 萬像素前置視訊相機
F2.2大光圈鏡頭, 支援自動對焦與 LED 閃光燈
28mm廣角鏡頭以及BSI 高感光低雜訊感應器

而相機功能設有清單選項
可以隨意揀選相機既各種應用功能
Rhyme 支援相片地理標記、臉部辨識對焦, 觸控對焦
而 ISO 感光度最高可以支援到 800
咁影出嚟既相片就更加靚喇~

Product tutorial:

http://www.htc.com/hk-tc/smartphones/htc-rhyme/#how-tos

除咗上次Ah Bee 介紹過相機有簡易全景模式
只要拍下照片, 再將手機左右移動相機
螢幕就會出現邊緣參考點
將拍攝既 3 張照片接合成全景圖

另外, Rhyme 支援「零快門延遲」拍攝
按下快門的時刻就是相片捕捉到的那一刻
絕不讓美好時刻瞬間溜走
影相從此就變得輕鬆自在

相機仲有「背光
HDR」及「低光源」模式
可以在背光的環境下, 保留亮部與暗部既細節

「背光
HDR」模式

左圖係自動模式
大家可以見到天空既光感度較高
但景物就比較模糊
特別係路旁既樹木, 可以話係曚矓一片
使用了「背光
HDR」
天空顏色就調暗了
相反, 街景就變得清晰多了

「低光源」模式
左圖為自動模式, 大家可以見到
無論係天色, 大廈景象都比較暗
右圖係使用「低光源」後既相片
影色就開始變得明朗

Rhyme仲設有「快速連拍（Action
Burst）」模式
可以係 2.5 秒鐘內連續拍攝 5 張照片
適用於動作較快既場景

又等Ah Bee 示範一吓先
真係可以清楚咁拍攝到汽車
由天橋高速行駛既情況

短片拍攝

HTC Rhyme 加入咗慢動作拍攝
相機會用 60fps
拍攝 800 x 480 pixels 短片
支援 720p 錄影, 加入一個新既 2 倍慢速錄影功能
係播放影片既時候, 就好似慢動作咁播放一樣
好處係唔會miss out珍貴片段
因為有時拍片拍得太快, 好多嘢都睇唔真
但有咗呢個function, 每個細緻既時刻都睇得一清二楚

另外, Rhyme仲有短片剪輯功能
拍完短片後, 可以即時用手機剪輯
唔需要將短片滙出, 再修改
方便快捷, 真係慳番唔少時間~

無論係相片or 短片
都可以直接由相片集中分享至Facebook、
Flickr、Picasa or DLNA 伺服器上觀看

RECAP 番上次既總括:

首先, HTC Rhyme既介面設計方便易用
透過多視窗瀏覽、唔單止可以直接查詢 Wikipedia or YouTube
仲有最新 Flash 支援, 令影片播放更加流暢

另外, 係同一畫面仲可以查看好友既 Facebook© 動態更新
亦都可以係Tweet 留言及係Flickr® 睇相片
實用快捷, 慳番唔少時間係搜尋方面
真係一個不可多得既好幫手及私人助理

HTC Rhyme 已內置一d 較popular 既Apps

唔需再晒時間download
對於對科技一竅不通既人仕 (即係好似Ah Bee咁)
呢個function真係好方便

手機畫面既色彩非常柔和
就算長時間上網, 眼仔都唔會覺得攰
500萬像素所影出嚟既相片影像鮮明
栩栩如生, 而且立體感重

輕觸式螢幕, 反應順暢
畫面轉換亦都非常smooth

幾乎唔需要等, 就可以流到另一個畫面

係心急既人仕既喜訊~

有別於一般手機 home button設計
全畫面touch screen design
可以避開長期按壓home button 所造成既壓力
機件就無咁容易壞喇

新發現

手機設有短片拍攝功能
而且可以即拍即剪輯
唔需要再滙出於PC 剪輯
仲可以分享到 Facebook及其他平台
真係慳番唔少功夫

預設桌面上既快捷鍵
處於動態模式
不停update最新既訊息, 郵件及相片等等
咁就可以隨時隨地無間斷接收最update 既訊息

另外, 桌面亦都設有快捷選單 widget
想用 Wi-Fi時, 亦無需進入"設定"功能
直接禁 Wi-Fi 制就可以
非常方便快捷