Bee: 【♥ 品酒, 醉了, 再試用 ♥】 SKINFOOD 「紅酒美肌教室」

Ah Bee 一向都鍾意飲酒,

嗰種醇醇既味道,

輕輕淺嚐, 酒精就會係口腔內,

隨住口腔既溫度, 時間已演變成唔同既味道,

有甜, 有酸, 有甘, 好特別,

而味道久久都唔會散去.

尤其是happy friday,

約埋朋友仔飲酒食牛扒,

成個星期既壓力都隨住酒精而散去 ^^

今次, Ah Bee就嚟到Palette,

一邊試酒, 一邊試用skinfood 最新推出既紅酒skincare

今次就品嚐4款唔同既dessert wine,

而味道仍都會由淡到濃,

品酒師仲會教大家,

配襯乜嘢既食物,先可以帶出酒香及味道

而場內當然唔少得今日既主角,

SKINFOOD全新「鉑金葡萄基因高效系列」
樽身設計好靚呀, 仲有葡萄既圖案,

一眼就睇得出, 產品萃取咗葡萄既精華

haha.... 好大個蘋果呀,
仲印有SKINFOOD字眼,

好想咬落去呀

由活潑可愛既Tiffany (有隻"包"牙仔, 好得意)
為大家講講今次「紅酒美肌教室」既流程,

好喇, 明白晒喇, 活動正式開始喇~

首先出場既係品酒師Leo,
Leo 好用心咁, 不停為大家講解4款酒既特質,
產地, 味道, 酒精含量等等

一直都唔知紅酒同白酒有乜嘢分別,
原來紅酒係加咗提子皮, 而白酒係無加,
所以白酒既texture 就無咁杰身,
而紅酒味道就濃d~

而第一款試既酒
係由Palette獨家代理,
加拿大出產既Elephant Island Crab Apple Okanagan Valley (HK$250 / 375ML)
酒精含量10%, 味道有少少甜, 微酸,有果香既味道

Leo 仲教大家品酒既時候,
應該先搖動酒杯,
再聞吓酒既氣味,
然後開始品嚐,
但唔好即刻吞落肚,
應該將酒停留係口腔入面,
再慢慢吞落去,
咁先可以品嚐到酒既獨有味道

呢款酒最啱就係送白芝士,
因為酒既味道偏淡, 帶有果香,
就可以用濃味少少既食物,
帶出酒既味道

Leo 仲推介咗幾款食物,
用嚟佐酒 e.g. 泰色辣蝦, 傷心酸辣粉
Ah Bee個腦即時諗起,
企咗係太子既傷心酸辣粉店門口,
一邊飲酒, 一邊食酸辣粉,
會唔會好"突出"呢hehe.....

S6A

而另一支就係法國出產既,
Les Faitieres Riesling Alsace (HK$200 / 750ML)
酒精度係12%,
由於產品比較多, 所以價錢亦相對便宜

S10

對比返前一款既酒, 呢款酒味明顯重咗,
亦都無咁甜及果味
換嚟既係礦物味道,
飲咗一啖之後,
Ah Bee 覺得喉嚨有少少熱

Riesling Alsace既最佳配搭係肉類,
e.g. 厚身既魚, 火雞,
但甜既食物, 好似青口咁,
就唔太適合喇

輪到第3款, 亦都係Ah Bee 最鍾意,
係加拿大出產既Elephant
Island Blacberry Okanagan Valley (HK$200/750ML)
呢款酒黑莓味道好濃, 有少少果莓既甜味,
適合做table wine / fruit wine,
酒精度係11%

而今次既佐酒食品就係豬頸肉,
Ah Bee 一口將豬頸肉放入口,
肉質好嫰好juicy, 但就有少少油膩,
但當Ah Bee 送一啖黑莓酒既時候,
油膩感就無晒,
而且仲有一種好香既肉味&甜味,
停留係口入面

Leo 話紅酒可以化解蛋白質,
所以紅酒同肉係 perfect match

另外, 用果杏配黑莓酒, 味道同樣出色^^
而黑莓酒亦都係Leo既心水推介

去到最後一款, 都係加拿大出產既
Silver Sage Merlot Okanagan Valley (HK$300 / 375ML)
酒精度達到14%

呢款酒貴既原因, 係因為佢比較遲收成,
由於遲一個月收成, 咁水份就會少,
咁相對嚟講, 出產既收量亦都少咗,
而價錢就相對貴喇~

P.S. Ah Bee 係呢個時候, 塊面已經紅卜卜喇~~

4款入面, 以Merlot 呢款dessert wine既味道為最濃,
味道亦都比較甜, 但大家要記住,
佢既酒精含量係最高, 有14%咁多,

Leo話最好既佐酒食品係蛋糕之類既甜品,
所以今次以dark chocolate 嚟襯托Merlot,
味道就最好, 因為dark chocolate有少少苦澀既味道,
而Merlot係一款甜酒, 不但可以大大提升酒既甜味
仲唔會將酒既甜味減淡, 而凍飲效果就最好~

S14

cheers!!
品嚐完4款好好味既甜酒,
Ah Bee 又帶著醉意,
跳到另一個環節

就係由SKINFOOD 既職員,
介紹全新「鉑金葡萄基因高效系列」,
成個系列都用上比黃金更珍貴既精純鉑金,
再萃取嘉美葡萄果肉精華而成

嘉美葡萄果肉可以解決6大肌膚問題,
加強細胞免疫力,
仲可以改善膚質,
增加皮膚既彈性,
撫平細紋等等

而鉑金成分配合尖端科技,
可以提高皮膚細胞吸收能力,
令每一層皮膚都能夠吸收養份,
鉑金仲有抗氧化既功效添呀~

之後, 就由職員為大家示範韓國正宗既按摩手勢4步曲,
首先搽上厚厚既鉑金葡萄基因高效營養霜,
再係眉心位置, 以打圈方法到眉尾,
然後就由權骨位置打直推向下巴,
再由鼻翼開始推到耳珠,
最後, 就由咀角向上推向權骨,
每一個按摩既動作做3次,
成套按摩大約5-10 mins,
按摩完後, 用暖毛巾敷面,
加強血液循環及精華養份吸收,

按摩示範完畢,
職員再為model 搽上SKINFOOD 既BB Cream, 完成!!!

S16

Platinum Grape Cell Toner
鉑金葡萄基因高效爽膚水

以獨特配方及瞬效傳輸科研技術
讓高濃度鉑金保濕原高效滲透及滋養肌膚
提升肌膚含水量與維持彈性度
促進肌膚更新能力
強化往後之保養品功效的吸收能力
啟動完美活膚機制讓肌膚宛若重獲新生

紫色既樽身好靚呀, 爽膚水有好香既氣味,
質地係gel + 水狀, 仲有好細少既紫色粒子,
推開後粒子就會消失喇,
Ah Bee 覺得推開後感覺好水水,
好保濕, 而且滲透力強,
可以提升皮膚既水份,
令皮膚既含水量增加

Platinum Grape Cell Emulsion (HK$395/30ML)
鉑金葡萄基因高效乳液

溫潤既乳液質地, 透過膠質鉑金微粒 (Colloidal
Platinum)
將多種功效包括抗氧鎖水精華帶至真皮層,
即時賦予肌膚深層潤澤及保濕，無間斷修護因歲月增加、
肌膚代謝減緩而所產生的歲月痕跡,
讓肌膚明亮、緊緻、無痕,

持續修護更可大幅提升肌膚高效能量, 再現精緻無痕美肌

奶白色既高效乳液, 有同系列既香味,
觸感好滑, 容易推均, 搽完之後,
皮膚真係明顯白咗少少,
而且膚質都變得柔軟, 靚靚 ^^

Platinum Grape Cell Cream
鉑金葡萄基因高效營養霜

配合鉑金成分，穩定地為肌膚啟動高效亮白抗氧機制,
乳霜質地全方位溫潤肌膚,
滋潤保濕的功效賦予肌膚如絲柔滑的感覺,
更可同時幫助肌膚鎖住水分及養分，修護乾燥、
暗沉及已形成的皺紋、細紋等肌膚頑固問題,
持續修護可有效提升肌膚明亮、
緊緻與彈性，讓你再現青春亮肌

營養霜既質地係cream + 乳液狀, 好滑,
Ah Bee厚厚地搽咗一層係手背,
再用指腹按壓, 覺得營養霜吸收得更加快,
而熱力令營養霜既香味更加濃, 好relaxing 呀^^