Bee: 【♥ O架妹大眼秘密 ♥】開架大賣既日本眼線筆, 全日無溶妝, 防油防水

2011年11月19日星期六

【♥ O架妹大眼秘密 ♥】開架大賣既日本眼線筆, 全日無溶妝, 防油防水

曾經有朋友問 Ah Bee,
如果只可以揀一件化妝品化妝, 你會點揀?!
呢個問題, 話難唔難, 話易唔易,
Ah Bee最後揀咗眼線筆, 點解?!
因為Ah Bee相信眼睛係靈魂之窗,
可以點睛既產品, 一定有佢獨有既魔力

眼線筆分眼線筆, 眼線液&眼線膏,
三款都有不同既功能,
而Ah Bee自己就鍾意既眼線液,
因為Ah Bee鍾意實實在在既顏色

今次推介既係déjàvu 完美眼線筆 (亮黑) - 眼線液型
持久防水, 可以keep住24小時,
雙眼都充滿神采

可能大家同Ah Bee一樣
認識déjàvu”係因為品牌既熱賣item - mascara
搽上“déjàvu” Fiberwig後就好似帶上假眼睫毛一樣
推出五年, 總銷售額已經超過一千二百萬支, 成績驕人

加入薄膜配方, 咁眼線液就好似變咗一塊薄膜咁,
唔單止可以防皮脂, 防汗, 就連淚水都可以防到,
咁各位SIS 以後收到男友鑽石,
開心到想喊既時候, 就可以盡情咁喊喇~

眼線筆既另一優點, 係可以用暖水卸妝,

只要40度水溫既水, 就可以將眼線溶掉

眼線液筆頭纖細, 十分幼身,
毛氈筆頭質地適中, 唔會太硬又或者太乾,
方便畫出畫長又或者粗黑既眼線,
就算初學者都可以容易掌握到, 讚!!!

粗幼眼線可以隨意控制,
眼線液亦都好快乾透,
唔容易暈染

搽上眼俾大家望望,
左眼係幼眼線, 而右邊係粗少少既眼線 ^^

合埋眼俾大家望望先得~~

畫好眼線, 當然要化妝眼線喇,
不如就化一個淡淡地既smoky eye 喇

今次Ah Bee 用灰色&黑色喇 ^^

由於Ah Bee近排成日病, 瞓得好差,
所以有少少黑眼圈, 同埋眼袋呢,
因為食藥既關係, 皮膚仲變得好乾,
落色方便, 就唔會好重手, 如果唔係,
個樣就會好病架喇~

進化過程~

由無畫任何眼線,
到畫咗上眼線及下眼線既眼尾位置
搽上眼影, 貼上假睫, 攪掂~

再俾大家望真D ~

déjàvu 完美眼線筆畫下眼線都好掂架,
可以輕易畫出幼細既線條

Ah Bee 鍾意佢唔容易暈染,
又防淚水, 要知道眼仔係好敏感既感官嚟,
少少唔舒服都會流眼水, 所以,
防水, 防皮脂, 防汗就最啱

點解咀嘟嘟?!
因為個妝未化完囉,
要搽埋胭脂, lip gloss先大功告成

攪掂喇 ^^ 笑番晒喇!!!

總括嚟講,
Ah Bee覺得déjàvu 完美眼線筆真係幾好用,
單憑防皮脂 (眼油),
就已經令Ah Bee一試愛上,
眼妝可以KEEP到一整天,
仍然有亮黑既效果,
就算擦眼, 眼線都唔容易暈染, 大愛!!

另外, 眼線筆筆頭軟硬適中,
可以隨個人喜愛畫出粗幼線條,
由於筆頭幼細,
就連下眼線都可以輕鬆繪畫出來,
而且仲好快乾透,
可以話係方便易用
新手都可以畫出完美眼線