【♥ Hunky Dory ♥】城市線綠洲

朋友搬咗去嘉熙，星期六專程入去探下佢，順便食個飯~

我對白石角認識唔深，但沿路寧靜悠閒既環境氣氛，確實係都市人所嚮往!

來到19W大樓直上2樓， 嚟到「 Hunky Dory」，餐廳好有特色，分咗室內室外兩部分，無論坐係邊，都可以望到綠油油既草地，見店內食客超多，就知食物質素高~

英國皇家牛肉漢堡
平時食漢堡，通常都跟薯條，但呢間就完全唔同，會跟埋沙律菜，而且唔係用普通菜，而係用火箭菜，仲有車厘茄，讚!  漢堡size都幾大，中間既漢堡牛肉好juicy，牛肉味好突出，加埋蕃茄片&生菜，層次感豐富;另外，粗薯條食落好有質感，超級香脆，涼咗都仲係脆卜卜~

韓國小部隊鍋
有d意外係餐廳竟然有得食韓國菜，仲要有部隊鍋，講真，部隊鍋賣相唔錯，材料都幾豐富，有腸仔、雞蛋、豆腐、公仔麵，份量足，湯頭惹味，唔算辣，個人認為如果將蛋花湯變做其他韓式前菜，咁就perfect 喇~

Flat White
食飽飽，嘆番杯咖啡就最適合不過，小白口感順滑，入口先係牛奶脂香味，之後就係咖啡既醇香~

Apple Juice & Mango Juice
點咗兩種果汁，兩者如果做個比較，我個人偏向芒果汁，芒果味好濃，味道又香又甜，相比蘋果汁就少咗一份濃厚既水果甜香~

Hunky Dory
沙田白石角香港科學園科技大道西19號19W大樓2樓245室