【♥ The Point ♥】火焰龍蝦

搬到將軍澳，首要任務就係四出尋找美食~ 前排就同bff去咗將軍澳中心The Point，試佢哋最新推出既龍蝦二人餐~

套餐既內容都好豐富，有龍蝦湯、9吋原隻龍蝦pizza、龍蝦芝士焗通粉，仲包2杯菠蘿特飲，價錢都係$338， 超抵呀！

龍蝦湯湯底濃稠適中，非常香濃鮮味，龍蝦肉鮮甜爽脆~

9吋原隻火焰龍蝦pizza，送上嚟時，待應會即時為龍蝦點火，視覺非常震撼，而龍蝦超大隻橫放係pizza上，覇氣十足，龍蝦肉爽彈，餅底香脆，大滿足~

龍蝦芝士焗通粉醬汁濃滑，入口帶有奶香，同時芝士香味，層次感重，通粉口感Q彈，通粉內掛滿醬汁，配上龍蝦肉，perfect!

另外，我仲確外點咗香蒜辣椒白酒煮大蜆同埋沙律，蜆肉大大隻，味道鮮甜無沙，每一啖都有蒜香同淡淡既酒香~

而軟殼蟹、烤甜椒、水波蛋沙律、蜜糖芥末汁沙律簡直係我既至愛， 軟殼蟹超大隻，口感酥脆，味道甘香，一d都唔油膩，配埋清新爽口既沙律菜，味道酸酸甜甜，推介!

The Point - Pizza & Pasta
將軍澳唐德街9號將軍澳中心地下G01及G02號舖