好耐無見過姪囝喇，難得可以同佢出去玩，就一定要玩得盡興，深知姪囝又貪玩又為食，所以決定帶佢去 Hunky Dory開餐，呢間餐廳除咗食物質素高，最大既賣點係餐廳半露天設計，咁就可以一邊食嘢，一邊望住綠油油既草地，等緊上菜既時候，仲可以同姪囝出草地玩，共敍天倫。
餐牌上既食物選擇好多，我就點咗個英國皇家牛肉漢堡俾姪囝，自己就點咗個韓國小部隊鍋食。
韓國小部隊鍋
大家唔好以為係 Cafe 食韓國菜，就一定唔好食，咁我可以話你聽，錯晒！ 呢喥既部隊鍋唔單止賣相好，材料仲要好豐富，腸仔、雞蛋、豆腐、公仔麵樣樣齊，想食辣d，可以將泡菜加埋入湯裏面，令整個湯底更加惹味，唯一美中不足就係配咗麵豉湯，感覺有d重覆，如果將麵豉湯變成其他前菜，咁我會食得更加開心。
🍔英國皇家牛肉漢堡
漢堡包送上嚟時，姪囝已經興奮大叫，因為個漢堡包真係好大個，仲配埋粗薯條＆沙律菜。牛肉肉汁多，口感唔韌有脂香，牛肉都幾濃，配埋半融既芝士，同埋爽口生菜，口感提升，讚。
Flat White
望住咁寫意既環境，一定要點杯咖啡慢慢嘆，小白口感好細滑，奶香味重，但又唔會完全掩蓋咖啡既醇厚香味～
Apple Juice & Orange Juice🍸
小白好快就俾我ko咗，唯有點多杯蘋果汁俾自己，而姪囝就飲橙汁，其實兩款果汁味道都唔錯，但我自己就覺得蘋果汁味道清甜d，橙汁就有少少果酸味。
Hunky Dory
沙田白石角香港科學園科技大道西19號19W大樓2樓245室
#yum #yummy #foodies #lovefood #tastyfood #pigout #stayhungry #luxurylifestyle #enjoythemonent #allyoucaneat #onmytable #heremyfood #tastyfood #food #cuisines #foodaholic #monbeebee_blog
