終極TKG生雞蛋拌飯 + 碎金鎗魚腩
呢個生雞蛋拌飯係 Tamago-EN 既招牌菜,廚師將蛋白打成泡泡,再係中間放上又圓又大既蛋黃,而我就確外點咗 碎金鎗魚腩拌雞蛋飯,蛋白入口即化,雞蛋蛋香味濃郁,拌住口感綿密既金鎗魚腩,真心推介。
芝士明太子筷子捲
賣相好特別,呢款日式料理筷子捲有d似大阪燒,就係將蔬菜加入進麵糊,再用筷子捲住上,蛋漿可以中和大阪燒醬汁既甜度,咁食既時候,既可以食到濃郁蛋香,又有明太子既辣香~
煙肉明太子忌廉意粉
平食食忌廉意粉,加埋雞蛋漿既話好容易糊咀,而且仲有重重既黏稠感,但呢個煙肉明太子忌廉意粉就完全無呢個問題,入口仍然能夠保持清爽,而且味道調得好好,煙肉鹹香同明太子既辣香好夾,加上意粉彈牙,掛醬後好好食!
焦糖鮮奶咖啡及原味珍珠奶茶
咖啡口感細滑,入口先係焦糖甜,隨之而來就係濃郁奶味,以及咖啡既醇厚感; 而珍珠奶茶的味道,相對偏向港式,就係茶味較奶味重,配埋煙煙韌韌既珍珠,perfect~
沒有留言:
張貼留言