踏入初春, 肌膚狀況開始變得不穩定, 除了乾燥缺水外, 敏感泛紅嘅情況亦份外嚴重, 係呢個時候, 我都會嚴選保濕度較高嘅護膚產品使用, 而係我嘅保濕清單入面, Lancôme Advanced Génifique 小黑瓶就一定唔少得。
相信大家都知道Lancôme 嘅Advanced
Génifique小黑瓶一直都係品牌熱買嘅人氣暢銷產品之一, 精華素融入咗7種益生元及益生菌萃取物，有助修復肌膚，令肌膚重現柔嫩彈滑。
半透明凝露狀嘅精華素，質地柔滑細緻，非常易推，水份含量好重，延伸亦都力強，少少份量就已經足夠全面使用，輕輕推按就秒速被肌膚吸收，感覺清爽唔油膩，親膚能力極強。
今個初春Ah Bee肌膚因為轉季而出現敏感情況，皮膚出唔單止感到極度乾燥，面頰仲出現泛紅及小紅點，係呢個時候全靠Advanced
Génifique小黑瓶為肌膚進行急救。
小黑瓶嘅保濕度非常高，質地清爽水潤，仲有效補水，舒緩乾燥不適感，用完皮膚就好似飲飽水咁，而且泛紅情況亦慢慢改善，幫肌膚回復鎖水屏障。
而我個人就最鐘意卸妝潔面後, 抺上化妝水，再取出兩管小黑瓶精華於掌心搓熱，再輕輕由下往上，內而外打圈按摩，令精華加強吸收，使用後皮膚會即時變得柔嫩細緻，白滑彈嫩，散發健康亮澤感。
小黑瓶能夠真正做到肉眼睇得見嘅改善, 絶對係所有女生化妝櫃內嘅必備精華素, 大家一定要盡快入手呀!
*****************************************************************
沒有留言:
張貼留言